Motto: En ganz normale Samstig vor öppe 15 Jahr…
- Läääääck mer am hahne, bin am Friitig Abig ja wieder härt duregheit. Bis wänn pfuusi am Samstig?
- So ez bini wach und no guuuet verstört. Shit, wieder mal total usgartet gester Abig. Das machi als ersts zum wieder id Gäng cho….
- Ja aber heey… Ez bini doch nomal churz igmützt… Aber geil, chani d’Dreambox istelle und gad Bundesliga Konferenz luege. Toooooor in …. Hmmm für wär isch mer eigentli i dä Bundesliga??
- BuLi Konferenz isch dure, ich bin wieder fit und eigentli scho wieder rächt moti zum steil gah. Zerst aber no chli Pro Evolution Game mit dä Jungs. Ich ha gseit ich nimm Bierschn mit. Ez stahni im Lade und es het eifach kei Feldi und Quölli meh. Welles Bier nimmi ez??
- So, endli au acho und all sind übermoti, ebe geil. Es git es Länderspielturnierli, welles Land wähli us?
- Game und Bierli trinke macht Hunger, vamoooo Pizza bstelle. Pirata het zue, mir bstelled bi some neue um dä egge. Was gönni mer für ä Pizza?
- Massivs Turnierli gsi. Raffi het dä Mäni wieder mal ufd Palme bracht, Gabi en neue roti Charte Rekord ufgstellt… Ez gömmer aber wiiter, no chli götsche im Pub bevors wiiter in Club gaht. Was bstelli mer für en Longdrink?
- Soooodeli, langsam aber sicher ä rächti Fitze am Chessel und dementsprechend ready für dä Ufriss. I welle Club gömmer hüt??
- Ufff, d’Dancemoves sind aber no rächt rostig und d’Amachsprüch chömed au nangi locker flockig über d’Lippä. Ich hol mal es Ründeli Schnäpps, das hilft immer hehe. Aber gopf, ez händ diä tatsächlich kei Jägi meh… Jänu, dänn bstelli halt… ?
- Puh, isch en schmale Grat und plötzli nimmts mi. Ich merk dasi glaub sött heiwärts stürchle. Es Kebäbli liit aber scho no drin. So bstelli en: Bitte us däne 4 Kompenente zämestelle, immer eis vo beidnä. (Täsche Oder Flade + Mit Oder Ohni Zwieblä + Mit Oder Ohni Scharf + Cocktail Oder Joghurt Sauce).
Deadline: Dienstag, 12. Dezember 2023, 23.59 Uhr -> 13gegen13@gmail.com
OLUMPIA 